Wi sünd för Finkwarder dor!
Egool of een siet Generatschonen up Finkwarder tohuus is, siet poor Johrteihnte oder ganz nee hertrocken: Wokeen hier leevt, will wat över sien Oort weten. Dorför sünd wi dor.
Van de Leihbökeree to de Heimatvereinigung
- 1868
Pastor Bodemann grünnt en Leihbökeree.
- 1889
An’n 24. März seggt de nee grünnt Bürgervereen „Vorwärts“, he will de Leihbökeree wiederföhren, wiel Pastor Bodemann ut sien Amt geiht. 1891 is dat so wiet.
- 1908
De Bürgervereen „Vorwärts“ un de 1899 grünnt „Wirtschaftliche Schutzverein“ doot sik tosamen to’n „Finkenwerder Bürgerverein“.
- 1922
An’n 18. Februar grünnt sik – no’n Eersten Weltkrieg weer de Bürgervereen inslopen – up sien Fundament de „Wirtschafts- und Verkehrsvereinigung“.
- 1932
Mit en nee’en Noom warrt dor de hüütige „Heimatvereinigung Finkenwerder“ ut.
- 1983
An’n 2. März warrt de Vereen en „e.V.“ (VR 10107). In datsülvige Johr kriggt he dat Gorch-Fock-Hus.
- 2022
100 Johr Heimatvereinigung Finkenwerder e.V.
Dat sünd blots de groten Sprüng – ut de Opschrieven kunn een dat noch veel genauer vertellen.
Weten sammeln un wiedergeven
De Heimatvereinigung buut up de Böön van’t Gorch-Fock-Hus no un no en Dokumentatschoonssammlung över all Themen van vundaag un fröher up – för all, de dat interesseert. Jeedeen, de mit anfaat, is dorbi bannig willkamen.
Bannig wichtig is uns ook, dat all Hüüs, Straten un Plätz van dat hüütige Finkwarder fotografeert warrt – denn kann jeedeen in’n Vergliek mit ole Biller sehn, wat sik in’n Oort ännert hett.
No dat BillerarchivWullt du bi uns mitmoken?
Frünnen van Finkwarder, de mit dat, wat se interesseert, mitmoken wüllt, sünd hartlich willkamen, to’n Bispeel bi’t:
- SammelnBöker, Papeern, Geschichtsdaten, Films, Stammtafeln un ole Saken för’t Museum
- Digitaliseern un Katalogiseerndormit nix verloren geiht
- Mit anfaten in Hus un Goornför all, de lever wat mit de Hannen an de frische Luft doot
Hest du en anner Idee? Man to – snack uns geern an!
Liddmaat warrn
Ook wenn Se keen Tiet hebbt, mit to moken: Mit Ehrn Bidrag helpt Se uns Ehrenamt för Finkwarder.
Afschicken
Mit de Post an de Heimatvereinigung Finkenwerder e.V., Nessdiek 6, 21129 Hamborg – oder bi en Vörstandsliddmaat afgeven, den Se kennt.
Se hebbt höört, bi uns sünd blots „ole Lüüd“ Liddmaat, un Se sünd noch to jung? Dat mookt nix – dat mit dat „to jung“ gifft sik mit de Tiet van ganz alleen.