Ankieken un Föhrungen
För anmellt Gruppen af 5 Lüüd dat ganze Johr: de olen Wohnrüüm mit de Original-Möbels van de Kinaus, Alkoven, twee Utstellensrüüm un en gemütliche Gastruum.
Kost nix Anmellen →
Wat wi moken
Mitmoken, entdecken, tosamenkamen
Meist allens kost nix – över Spenden freit wi uns natürlich bannig.
In’t Gorch-Fock-Hus
Weten över Finkwarder – to’n Anfaten
Ankieken, Vördrääg, Böker, Stammtafeln, Films, Utstellens un Lesen.
Foto-Vördrääg
Up den groten Billschirm baven: jüst över den Aueloop, dat Brack (Straat), den Watertoorn un de Kinau-Familie. Mehr Vördrääg – so as över den Steendiek – sünd in de Mook.
Kost nix
Bökersammlung
Böker van Finkwarder Schrievers as Gorch Fock, Jakob un Rudolf Kinau, Kurt Wagner, Hans Dreher, Helmut Vick, Anna Oestmann, Adolf Albershardt, Hinrich Wriede un veel mehr – un van Frömde över Finkwarder. Wat dat dubbelt gifft, kriegt Se för en Spend.
Kost nix
Stammtafeln
Inkieken in jüst 59 Stammbööm van ole Finkwarder Familien – wenn Se wiesen köönt, dat Se dor mit to doon hebbt.
Kost nix
Films
Ole Films ut Finkwarder, to’n Bispeel van de 700-Johr-Fier 1936 oder ut de Fischeree.
Kost nix
Plattdüütsch Lesen
Lesen in’t Hus van Liddmaten van de Heimatvereinigung – un Fotoutstellens as „Finkwarder güstern un hüüt“.
Kost nix
Buten un tosamen
För all Finkwarders
Rundgäng dör Finkwarder
Finkwarder mit en, de sik utkennt, kennenlehrn: Se söökt sik ut, wat Se sehn wüllt un wo lang. Anmellen bi Siegfried Bars, Tel. 040 742 44 10.
För all
Kortenspeel-Namiddage
Skat, Doppelkopp, Rommé un mehr ünnen in’n Butendieksweg 2, jeden 2. Dingsdag in’n Maand van 14:30 bit 17:00 Klock. Fragen an Bärbel Popp, Tel. 040 742 75 80.
För all
Sommerfest in’n Goorn
Elk Johr in’n Spootsommer in’n Goorn van’t Gorch-Fock-Hus – mit Musik, wat to drinken, Grillwüst un sülvstbackt Kooken. Wenn dat Weder schiet is, steiht en Zelt praat.
För all Kost nix
Dagestouren un Reisen
Dagestouren un Reisen över mehr Doog – al no Wernigerode, Erfurt un Weimar oder no Rügen. Wannehr un wohen, steiht bi de Termine.
För Liddmaten
Wiehnachts- un Johresafsluss-Fier
Dat Vereensjohr klingt tosamen ut – mit Kaffee, Kooken un Klönsnack.
För Liddmaten
Leevendige Adventskalenner
Vör dat Gorch-Fock-Hus geiht een Döör van’n Finkwarder Adventskalenner up.
För all
Achter de Kulissen
Söken, finnen, sammeln, forschen, bewohren
Achter de Kulissen passeert so allerhand, wat för dat Weten över Finkwarder bannig wichtig is. Ole Saken ut Finkwarder to sammeln, to bewohren un för all to wiesen, liggt uns besünners an’t Hart.
Gifft dat wat för Finkwarder, wo wi noch nich an dacht hebbt? Wi hebbt jümmers en apen Ohr – un söökt Frünnen van Finkwarder, de mit anfaat.
